Gjykata Themelore në Prishtinë, i ka dënuar me 30 vjet e gjysmë burgim katër të akuzuarit për terrorizëm, Ardijan Gjuraj, Ergim Syla, Nehrudin Skenderi dhe Mentor Bellaqa. Ata akuzohen për përgatitje të veprave terroriste ose veprave penale kundër rendit kushtetues dhe sigurisë së Republikës së Kosovës.
Nga katërshja e të akuzuarve, vetëm njëri erdhi në seancën ku do të shpallej vendimi përfundimtar.
Për të akuzuarit për terrorizëm, të martën Gjykata Themelore në Prishtinë, dha verdiktin e saj.
Me 30 vjet e gjysmë burgim u dënuan Ardijan Gjuraj, Ergim Syla, Nehrudin Skenderi dhe Mentor Bellaqa.
Gjuraj, mori dënimin më të lartë nga katërshja, me dënim unik prej 9 vite.
Për nga lartësia e dënimit, ai u pasua nga Skenderi.
Syla dhe Bellaqa morën dënim unik prej 6 vite e 6 muaj secili.
Të katërve iu llogaritet edhe koha e kaluar në paraburgim.
Sipas aktakuzës, Gjuraj, Syla, Skenderi e Bellaqa, nga muaji mars e deri më 10 tetor të vitit 2021, fillimisht kanë bërë përpjekje për të bërë një strukturë organizative për kryerjen e akteve terroriste në Kosovë.
Ata akuzohen se kontaktuan edhe me një person më gradë të lartë të organizatës terroriste ISIS, për sigurimin e armatimit të llojeve të ndryshme.
