Ishte lagjia më e përfolur e vitit 2021.
Kjo pasi në rrugën “Ali Ibra” në Gjakovë, një grua e komunitetit serb u kthye për të jetuar.
E kjo gjë nxiti reagime të ashpra tek organizatat joqeveritare në këtë qytet.
Kjo ndodhi pasi në luftën e fundit në Kosovë, forcat serbe i vranë më të dashurit e tyre.
E kur kanë kaluar tri vjet nga kjo ngjarje, Dragica Gashiq, po jeton e pa shqetësuar në Gjakovë.
Ajo nuk ishte prezente në banesë, në ditën që Tëvë1 e vizitoi.
Por, fqinjët e saj thonë se pavarësisht që nuk u pajtuan me kthimin e Gashiqit, asnjëherë nuk panë ndonjë rast kur dikush ta ketë ofenduar.
“Që u ardh këtu, kurrgjë nuk na bën neve, vetëm ishalla kurrkush nuk e nguc e nuk e prek sepse nuk bën. Kjo u ardhur vetëm për problem, me marr banesën me shit, me shkuar në vend të vetin. E ngjoh prej para luftës, pastruese ka qenë në SUP të Serbisë”, ka thënë një qytetare.
Fqinjët e Gashiq, të cilët preferuan të mbesin anonim, thonë se e moshuara serbe vjen rrallë në këtë banesë.
“Asnjëherë nuk e kam dëgjuar dikë duke e ofenduar atë apo duke u marrë më të. Nuk është në traditën e popullit shqiptar të sulmohen të moshuarit. Gjithmonë synimi i popullit tonë ka qenë të lirohemi nga barra e okupimit. Banorët që janë të përgjegjshëm, Kosova i mirëpret si shtet multietnik, por tek ky rast, jam i zhgenyer të organet ligjzbatuese”, ka thënë një fqinjë tjëtër i saj.
Banorët e kësaj ndërtese, thonë se nuk pajtohen me mënyrën se si kjo banesë në vitin 1997 iu dha gruas nga komuniteti serb.
“Jam shumë i bindur që nuk është pronare e ligjshme e kësaj banese, për shkak se ka punuar në Ministrinë e Punëve të Brendshme të Serbisë, dhe evidencat kadastrale janë bartur të okupatori, kështu që nuk i besojmë dokumentacionit që e ka ofruar”.
E nga stacioni policor në Gjakovë, thonë se Dragica Gashiq, jeton lirshëm në këtë qytet sikurse çdo qytetar tjetër i Kosovës.
Të vetmet raste që u lajmëruan janë në ditët e para kur Gashiq u kthye për të jetuar në Gjakovë.
“Një rast, disa qytetarë në formë proteste kanë vendosur disa pamflete me të zhdukurit gjatë luftës së fundit në Kosovë, vitet 1999. Është kontaktuar prokurori i shtetit për këtë rast dhe është iniciuar për nxitje të përçarjes dhe mosdurimit. 1:45 Në rastin tjetër, edhe pse kemi qenë shumë të shqetësuar, ka pasur të bëj me një rast të vjedhjes dhe nuk ka qenë e motivuar etnikisht”, ka deklaruar Sheremet Elezaj, zëdhënës në stacionin policor në Gjakovë
Dragica Gashiq në vitin 2021 u bë pjesëtarja e parë e komunitetit serb që u kthye për të jetuar në Gjakovë, pas përfundimit të luftës në vitin 1999.