Ardita Sinani, këshilltare politike për Luginën e Presheves e kryeministrit të Kosovës Albin Kurti, ka thënë se është e sigurt që do të rikthehet si kryetare në këtë komunë.
Ajo ka thënë se për këtë beson që do të këtë përkrahjen edhe të kryeministrit Kurti.
“Unë merrem me politikë aktive në Komunën e Preshevës. Përpos që jam këshilltare e kryeministrit (Kurti) duhet të përkujdesëm apo jam një adresë e të gjithë shqiptarëve të Luginës së Preshevës, pa dallim… Tashmë kemi përfunduar procesin zgjedhor edhe brenda subjektit tonë politikë, me datën 30 jam rizgjedhur kryetare e degës dhe mendojë që fuqishëm do të rikthehem si kryetare e Komunës së Preshevës…Jo, nuk e shoh të vështirë rikthimin dhe unë do të jem kryetare, jam e sigurt në këtë dhe do të udhëheq dhe do të jem në shërbim të këtyre qytetarëve”, ka deklaruar Sinani në emisionin “ResPublika” në Tëvë1.
Ndryshe, me 20 vota për, asnjë kundër dhe 18 fletëvotime të papërdorura, në muajin prill është shkarkuar kryetarja e cila kishte mandat dyvjeçar, por që nuk qëndroi në kë post as një vit.
Sinani u shkarkua nga pozita e kryetares së Preshevës, pasi partnerët e koalicionit nga radhët e Lëvizjes për Reforma “ia kthyen shpinën” pa përmendur arsye specifike për largimin e tyre.
Shqiprim Arifi nga Alternativa për Ndryshim, është kryetari aktual i Preshevës.
