Sipas medieve serbe, Vuçiq ka thënë se askush nuk ka të drejtë ta bëjë këtë gjë, teksa ka përmendur edhe Marrëveshjen e Kumanovës.
“Marrëveshja e Kumanovës parasheh KFOR-in si forcë të vetme në Kosovë”, ka thënë ai.
Tutje, ai ka shtruar edhe pyetje ndaj Britanisë lidhur me “armatosjen e Kosovës”.
“Pyetja ime për Perëndimin është e thjesht, jo vetëm për Britaninë që po e armatos (Kosovën) me armë shumë të rrezikshme – a jeni ju ata që kërkoni respektimin e ligjit ndërkombëtar çdo herë dhe e shkelni çdo ditë? “Pse po i armatosni? Ju pengon kur armatoset Serbia, ndërsa jo kur këtë e bënë Kroacia?”, ka pyetur Vuçiq.
Ndryshe, të shtunën mediat serbe të afërta me Vuçiqin raportuan se një avion i forcave ajrore të Britanisë së Madhe, që ka zbarkuar të premten në Aeroportin e Prishtinës, ka sjell disa lloje armësh në Kosovë./teve1.info/
