Përmes një postimi në Facebook, ajo tha se pas vrasjes së nxënësit është tronditur teksa e cilësoi një ditë të rëndë e dhembje të madhe.
Nagavci siguroi se lidhur me rastin, janë duke u marrë organet kompetente të sigurisë që të zbardhet sa më shpejtë ky rast.
“Si nënë, si mësimdhënëse, e si ministre, i lus të gjithë mësimdhënësit dhe prindërit që të punojnë edhe më shumë në edukimin dhe ndërgjegjësimin e fëmijëve, të jenë të kujdesshëm për sjelljet që mund të manifestojnë ata dhe t’i adresojnë problemet dhe vështirësitë që kanë. Si Qeveri e Kosovës, bashkë me organet kompetente të sigurisë, po punojmë që të krijojmë sa më shumë siguri për fëmijët në shkollë, në rrugë e kudo’’, shkroi ndër tjerash ajo.
Tutje, ajo thotë se tragjeditë si kjo janë “alarm për shoqërinë që të bashkëpunojmë ngushtë për të mirën dhe sigurinë e fëmijëve tanë”./teve1.info/
