Së fundi ish presidentit të Kosovës, Hashim Thaçit i është vazhduar paraburgimi ku po akuzohet për krime lufte dhe krime kundër njerëzimit.
E një vendim i tillë sipas njoftimit të Dhomave të Specializuara është bërë më arsyetimin se ekziston rreziku se Thaçit mund të arratiset, të pengojë procedurat e kryej krime të tjera.
Por nga gjykata kanë paraqitur disa kushte që Thaçi të mund të qëndrojë në arrest shtëpiak qoftë në Kosovë apo në një shtet të tretë.
Dorëzimin e dokumenteve ndërkombëtare të udhëtimit; ndalimi i afrimit të vendeve ose personave të caktuar; ndjekja e procedurave me video-lidhje; dhe i përdorimit të medias ose aktivitetit politik janë kushtet e paraqitura nga Gjykata Speciale.
Zëdhënësja e Gjykatës Speciale, Angela Griep tregon se kur pritet të fillojë gjykimi ndaj Hashim Thaçit, Kadri Veselit, Rexhep Selimit dhe Jakup Krasniqi.
“Gjykatësi i procedurës paraprake ka caktuar disa afate për t’u siguruar që të gjitha palët të përgatiten shpejt për gjykim por deri më tani ai nuk ka caktuar një datë të saktë se kur synon t’ia kalojë dosjen e çështjes trupit gjykues. Vetëm pasi ta bëjë këtë do të dimë saktësisht se kur mund të fillojë gjykimi. Megjithatë, Gjykatësi i procedurës paraprake ka theksuar në një vendim publik, se ai ka parashikuar që dosja e çështjes mund të jetë gati për t’iu kaluar trupit gjykues deri në fund të vitit, që do të thotë se gjykimi mund të fillojë gjatë tremujorit të parë të vitit të ardhshëm”, tha ajo.
E sipas avokatit, Skënder Musa, vonesa e gjykimit të ish krerëve të Ushtrisë Çlirimtarë është në kundërshtim më dispozita ligjore të kësaj gjykate.
Avokati Musa pret që më se largu gjykimi i tyre të fillojë në fillim të vitit 2023.
Kronika e realizuar nga Doresa Geci.
