Prokuroria e Shtetit njoftoi se në këtë takim është diskutuar për mbarëvajtjen e procesit të punës në sistemin prokuroria dhe atë gjyqësor, pas situatës së krijuar në Prokurorinë dhe në Gjykatën Themelore në Mitrovicë.
“Në takimin e sotëm, tre krerët institucional shprehën përkushtimin e tyre për të punuar bashkërisht për tejkalimin e gjendjes së krijuar pas largimit të gjykatësve, prokurorëve dhe punonjësve administrativ nga procesi i punës dhe u diskutua për modalitetet e organizimit dhe mbarëvajtjes sa më efikase të punës për qytetarët e kësaj pjese”, thuhet në njoftim.
Sipas njoftimit, ata janë pajtuar që të ndërmarrin sa më shpejtë masat e nevojshme për organizimin e procesit të punës me qëllim që institucionet të funksionojnë dhe mos të krijohet zbrazësi shërbimesh.
Ndryshe, serbët në katër komunat veriore kanë dhënë dorëeheqje nga Policia e Kosovës, Gjykatat dhe Prokuroria.
Kjo për shkak se Qeveria e Kosovës mori vendim që nga 1 nëntori ata që bartin targa ilegale të qortohen, teksa nga 21 nëntori do të gjobiten nga Policia./teve1.info/
