Tërshani ka treguar pse “Marshojmë s’festojmë”. Ajo ka thënë se “Marshojmë s’fesojmë” është një kolektiv i përbërë prej aktivistëve dhe aktivisteve feministe që e organizojnë marshin e 8 marsit prej vitit 2016.
Ajo në emisionin e mëngjesit “Herët”, ka treguar historinë e emrit “Marshojm s’festojmë”.
“Ashtu i ka mbetë emri duke u bazu në traditën tonë për me festu ma shumë sesa me protestu ose me marshu”, ka thënë ajo.
Tërshani ka theksuar se këtë vit do të fokusohen për të protestuar kundër vrasjes ndaj grave dhe vajzave në Kosovë.
“Jemi tu u mundu me mbajt si marsh të tillë pavarësisht që kemi pas sfida”, është deklaruar ajo në emisionin e mëngjesit në Tëvë.
Tërshani ka përmendur edhe rastet e dhunës ndaj gruas në Kosovë. Ajo ka thënë se është shqetësuese sesi rastet e dhunës lajmërohen në polici dhe ndihmat nga instuticionet nuk vijnë.
Sipas saj institucionet duhet të jenë më serioze në rastet e tilla, sepse përndryshe do të humbin gra e vajza.
Ajo ka thënë se ky marsh qe tri vite organizohet edhe në komuna të tjera, si në Prizren, Mitrovicë, Obiliq, Gjilan, Rahovec, Lipjan, Shtime e Vushtrri.
Ndryshe, sot kolektivi “Marshojmë s’festojmë” organizon marshin tradicional protestues kundër vrasjes së grave. Nisja e marshit protestues nga Pallati i Drejtësisë në Hajvali bëhet në ora 10:00 ndërsa arritja në sheshin “Zahir Pajaziti në ora 12:00.
https://teve1.info/lajmet/mbahet-marshi-protestues-marshojme-sfestojme/
