Megjithëkëtë grupet parlamentare kanë vendosur që të enjten të mbahen dy seanca me pikat e seancave të papërfunduara, njoftoi deputeti i Lëvizjes Vetëvendosje Adnan Rrustemi.
Ndërsa, Shefi i Grupit Paralamnetar të PDK-së, Ablerad Tahiri i ka bërë thirrje kryeministrit Kurti dhe ministres Nagavci që urgjentisht të gjejnë zgjidhje me sindikatat të ndërpritet greva në arsim.
Ai ka thënë se nëse greva nuk ndërpritet deri të enjten ata do të vazhdojnë debatin parlamentar për këtë çështje.
“I bëjmë thirre urgjentisht kryeministrit, ministres së Arsmit të ulën urgjentisht të gjejnë një zgjidhje me sindikatat. Kjo është situatë e papranueshme nuk mund të vazhdohet kështu. Nëse nuk ka ndryshim të situatës të enjten do të vazhdojmë seancën për debatin për grevën në arsim”, ka thënë Tahiri të hënën pas mbledhjes së Kryesisë së Kuvendit.
Sa i përket dështimit të për të caktuar seancën e re, ai tha se edhe po të kishte kuorum nuk është se ka material, pasi sipas tij, Qeveria është në gjendje kome.
“Qeveria është në një gjendje kome, është e pabesueshme të futemi në sesioni vjeshtor dhe ne të mos kemi propozime e draftligje të reja nga Qeveria”, ka thënë Tahiri./teve1.info/
