Ministrja e Drejtësisë, Albulena Haxhiu, ministri Sveçla dhe nënkryetarja e Komunës së Mitrovicës së Veriut, Katarina Adančić kanë nënshkruar memorandumin i cili mundëson funksionalizimin e strehimores për të strehimin e viktimave të dhunës në familje.
Sipas njoftimit, kjo është bërë në vazhdën e veprimeve institucionale për ngritjen e kapaciteteve të reja për shërbime strehimi për viktimat e dhunës.
“Mbetemi të përkushtuar që shërbimet e strehimit të ofrohen sa më afër viktimës pa dallim”, ka shkruar Haxhiu në Facebook.
Objekti i kësaj strehimoreje është pjesë e kompleksit të objekteve të ish Remont në Mitrovicën e Veriut, për shfrytëzimin e të cilit ministri Sveçla, të martën ka nënshkruar kontratë me Kryetarin e Komunës së Mitrovicës së Veriut Erden Atiq.
