Ky monument u ndërtua në 1961, nga Miodrag Zhivkovic.
Përmes këtij punimi, synohej vëllazërimi dhe bashkimi në mes të shqiptarëve, serbëve dhe kombësive të tjera.
Por, ky monument nuk është i vetmi i kësaj periudhe të historisë që ndodhet në Prishtinë.
Në Parkun e Qytetit, gjendet edhe busti i Ramiz Sadikut.
Ndërsa nga aty, ka disa vjet që është larguar me forcë ai i malazezit, Boro Vukmiroviq.
E në gjendje të ngjashme, është edhe monumenti i njohur si “Varrezat e Martirëve Partizanë” në lagjen Velania në Prishtinë.
Për këto, historiani dhe ish-dekani në fakultetin Filozofik, Bujar Dugolli, thotë mund të formohet një grup ekspertësh, për ta konstatuar nëse këto monumente dhe personalitete, e meritojnë të qëndrojnë akoma në vendet ku u ngritën dekada më parë.
“Lufta kundër fashizmit ka qenë një luftë globale dhe shqiptarët që morën pjesë në atë luftë kanë bërë një veprim të drejtë. Monumentet që i takojnë kësaj periudhe, nuk mund të konsiderohen fyese apo denigruese për të tjerët. Sidoqoftë, mund të ketë personalitete të caktuara të cilët në aspektin historik nuk kanë një imazh të mirë, qoftë gjatë Luftës së Dytë Botërorë apo pas saj, prandaj mendoj se ato duhet të rishikohen nga një grup ekspertësh dhe të konstatohet nëse është vendi i duhur apo i merituar (të qëndrojnë) aty ku gjenden.
Ndërkohë, nga Departamenti për Trashëgimi Kulturore në kuadër të Ministrisë së Kulturës, kanë thënë se nuk ka ndonjë plan sa i përket këtyre monumenteve.
MKRS, Departamenti për Trashëgimi Kulturore
“Në të tashmen nuk ka ndonjë plan konkret, por besoj se në të ardhme kur do të hartohen planet për këto monumente/përmendore të shpallura nën mbrojtje ato do të bëhen në Koordinim me Agjencionin për Menaxhimin e Komplekseve Memoriale të Kosovës (AMKMK)”
Nga kjo ministri, kanë thënë se vetëm përmendoret e Lëvizjes Nacionalçlirimtare në Gjakovë dhe Ferizaj si dhe ajo në Leposaviq, janë në mbrojtje të përkohshme në bazë të ligjit për Trashëgimi.
Kronika e realizuar nga gazetari Fidan Zejnullahu
