Sadriu tha se leja për ndërtimin e xhamisë përfundimisht është lejuar nga Komuna e Prishtinës dhe pritet që shumë shpejtë të filloj realizimi i këtij projekti.
Sipas tij projekti i ndërtimit të xhamisë është vonuar sepse ka qenë një proces i stërzgjatur, me situata të pakëndshme, raporteve me komunë, shpronësime etj.
“Tash bëhen 10 vite kur kemi qitë gurë themelin, dhe kjo xhami si projekt është i madh dikun janë afër 40 mijë metra katrorë. Do të jetë një hapësirë që do ti plotësojë nevojat e besimtarëve sepse, të gjithë janë dëshmitarë që një pjesë e madhe e besimtarëve dikun 60 ose 70% po falen jashtë hapësirave të xhamive të cilat ne i posedojmë në qytet”, tha ai.
Tutje Sadriu theksoi se ky projekt është financuar nga Bashkësia Islame e Turqisë, dhe që parashihet që kapaciteti i kësaj xhamie të jetë deri në 10 mijë besimtarë.
“Donatori i këtij projekti është Bashkësia Islame e Turqisë, e cila ka mbledhur fondet nga besimtarët turq në xhamia, dhe dikun parashifet me qenë një kapacitet deri në 10 mijë besimtarë ”, tha Sadriu në Tëvë1.
Sadriu ka thënë se presin që projekti të përfundojë për një periudh tri vjeçare, ndërsa vlera e projektit do të kushtojë deri në 40 milionë euro.
“Punët në ndërtimin e xhamisë do të fillojnë me dinamikën e paraparë dhe ne presim që brenda tri viteve të përfundojë. Projekti do të kushtoj 30-40 milionë”, tha ai./teve1.info./
