Në një konferencë për media, ajo bëri të ditur se sipas vlerësimeve paraprake, gjatë dimrit do të ketë konsum prej 4.12 milionë megavat për orë dhe gjenerim prej 3.2 milionë megavat orë.
Sipas saj, për të tejkaluar situatën nevojiten edhe 722.8 mijë megavat orë me një çmim prej 500 eurosh që kap vlerën e 316 milionë eurove.
“Një vlerësim një skenar është që pritet të kemi konsum prej 4.12 miilion megavat orë dhe gjenerim prej 3.2 milionë megavat që dmth do të kemi nevojë për 722.8 mijë megavat orë me një çmim prej 500 euro është 316 milionë eruo. Po flasim me shifra marramendëse që të cilat aktualisht janë të paparashikueshme sepse varen nga konsumi, niveli i gjenerimit por sigurisht edhe nga çmimet e importit dhe në fakt edhe aftësia e tregut evropian për të ofruar energji të mjaftueshme”, tha ajo.
Rizvanolli thotë se nuk janë në dijeni ende se në çfarë forme do ta paguajnë importin e nevojshëm të energjisë elektrike për të përballuar krizën energjetike.
“Sesa në çfarë forme kjo është diçka të cilën jemi duke e trajtuar sigurisht në buxhetin e vitit tjetër do të parashihen kontigjenca në mënyrë që të jemi në gjendje të përballemi me kriza jo vetëm këtu por edhe të ndryshme jemi të vetëdijshëm që po jetojmë në një kohë kur Evropa po përballet me sfida të ndryshme si rezultat i luftës në Ukrainë por jo vetëm andaj do të jemi të përgatitur në çfarë mase mënyre është diçka që mbetet të shihet duke qenë se siç e thashë qëllimi parësor është që këto mjete që i kemi në dispozivion të shfrytëzohen në mënyrë tjera nëse është e mundur”, shtoi ajo.
Por, ministrja thekson se nuk mund të flaës se në çfarë shume është në gjendje të paguajë shteti për import të energjisë elektrike.
“Sa jemi në gjendje ta paguajmë energji është diçka që nuk do të mund ta thoja një mendim personal por nuk dmth se kjo është qëndrim as i Qeverisë as i politikbërhes siç e thashë më herët konsideroj se duhet ta kemi një diskutim të hapur të gjithë për këtë çështje sigurt ne kemi diskutime përbrenda dhe do të merren vendimet në bazë të situatës dhe nevojës mirëpo konsideroj që është diçka për të cilën qytetarët të jenë të zëshëm”, tha ajo./teve1.info/