Vendet e QUINT-it në një deklaratë të përbashkët i kanë bërë thirrje autoritetet e Kosovës të zmbrapsen menjëherë nga veprimet në veri.
Tutje thuhet se ata dënojnë veprimet për hyrje në ndërtesat komunale pavarësisht thirrjes së tyre për përmbajtje.
“Ne dënojmë vendimin e Kosovës për të detyruar hyrjen në ndërtesat komunale në veri të Kosovës, pavarësisht thirrjes sonë për përmbajtje. Ne u bëjmë thirrje autoriteteve të Kosovës që menjëherë të tërhiqen dhe të de-përshkallëzohen dhe të koordinohen ngushtë me EULEX-in dhe KFOR-in”.
Tutje ata kanë shkruar se dënojmë sulmet ndaj EULEX-it në Zveçan si dhe janë të shqetësuar nga vendimi i Serbisë për të ngritur nivelin e gatishmërisë së Forcave të saj të Armatosura në kufirin me Kosovën
“Jemi të shqetësuar nga vendimi i Serbisë për të ngritur nivelin e gatishmërisë së Forcave të saj të Armatosura në kufirin me Kosovën dhe u bëjmë thirrje të gjitha palëve për përmbajtje maksimale, duke shmangur retorikën nxitëse”.
