Qeveria e Kosovës shumë shpejt pritet të miratojë raportimin final për kompensimin e komunave të prekura nga vërshimet në janar të këtij viti.
Këtë e ka bërë të ditur ministri i Bujqësisë, Faton Peci. Ai tha se raporti tash është në Ministrinë e Financave dhe në një nga mbledhjet e ardhshme do të miratohet në Qeveri.
“Nga shtatorit të vitit të kaluar, Qeveria ka marrë vendim për themelimin e një sekretariati. Tash e tutje, kompensimet për të gjitha veprimtaritë do të ekzekutohen nëpërmjet këtij sekretariati”.“Ne kemi informacion se tashmë ekziston një raport final dhe ai është dërguar në Ministri të Financave dhe pritet që njërën nga mbledhjet e Qeverisë të kompensohen”, deklaroi Peci për media pas një takimi që një pjesë e ekzekutivit zhvilluar takim me kryetarët e komunave të hënën.
Komunat me dëmet më të mëdha materiale si pasojë e vërshimeve janë Mitrovica, Skenderaj dhe Klina./teve1.info/
