Në një adresim për media, nënkryetari i PSD-së, Qëndron Kastrati u shpreh se i kanë përgatitur letër-dorëheqjen ministres së Arsimit, Arbërie Nagavcit.
Sipas tij, kjo pasi që në Ditën e Kushtetutës Gjykata Kushtetuese ka konstatuar se Nagavci “ka shkelur tri dokumente kryesore për demokracinë në Kosovë”.
“Sot kemi dashtë me ardhë te zonja Nagavci dhe ne e kemi përgatitur letër- dorëheqjen, ia kemi bërë gati, e kemi kryer edhe këtë punë. Siç e dini me datën 8 prill, bashkë me përvjetorin e ditës së kushtetutës së Kosovës, gjykata kushtetuese ka konstatuar se zonja Nagavci i ka shkelë tri dokumente kryesore për demokracinë në Kosovë, e para e ka shkelë kushtetutën, e dyta e ka shkelë kartën evropiane për qeverisje lokale dhe e treta e ka shkelë ligjin për vetë-qeverisje lokale që është një prej ligjeve më vitale në Kosovës. Me këtë çka ka bërë zonja Nagavci e para ka arrit me shtrembëruar vullnetin e qytetarëve në një komunë të Kosovës, sepse kjo duke i ka kaluar kompetencat ka ndërhyrë drejtpërdrejt dhe i ka cenu përgjegjësit e komunës”, është shprehur Kastrati./teve1.info/