Kryetari i PDK-së, Memli Krasniqi, thotë se pas sulmeve ruse, Qeveria duhet të sigurojë strehimin e së paku pesë mijë qytetarëve ukrainas që janë shpërngulur nga agresioni rus.
Sipas tij, pas situatës së krijuar, duhet përshpejtuar procesin e anëtarësimit të Kosovës në organizata ndërkombëtare, përfshirë edhe në Këshillin e Evropës.
“Partia Demokratike e Kosovës e sheh emergjente nevojën e anëtarësimit të Kosovës në Këshillin e Evropës, si një hap kapital drejt integrimit të mëtejmë në kuadër të këtyre vlerave. I bëjmë thirrje qeverisë që të ndërmarrë të gjithë hapat e nevojshëm për të përshpejtuar këtë proces, aq më tepër kur uniteti i demokracive perëndimore dhe evropiane është në shkallën më të lartë ndonjëherë, duke sjellë një moment që nuk mund të kalojë pa u shfrytëzuar për të përmbushur aspiratat tona integruese”, thuhet ndër tjerash në postim./teve1.info/.
