Këto deklarata ajo i ka bërë në Sofje të Bullgarisë ku po mbahet forumi Bashkimi Evropian – Ballkan, nën drejtimin e ish-kryediplomates së BE-së dhe ndërmjetësueses së dialogut Kosovë – Serbi, Frederica Mogherini.
Ndër tjerash, Gërvalla deklaroi se nuk ka asnjë pengesë sa i përket çështjes së liberalizimit të vizave dhe se Kosova po punon për anëtarësimin në BE.
“Kosova duhet të bëjë progres sa i përket liberalizimit të vizave dhe kjo është diçka që duhet të ndodhë tani sepse s’ka asnjë arsyetim më. Së fundmi ka pasur zgjedhje në Francë dhe shpresojmë për një përparim në këtë drejtim dhe shpresojmë që të gjithë partnerët dhe aleatët tanë në Bashkimin Evropian do të ndihmojnë për të ecur përpara, por liberalizimi i vizave nuk është qëllimi evropian i Kosovës. Synimi i Kosovës është anëtarësimi i plotë në Bashkimin Evropian dhe për këtë po punojmë”, tha ajo.
“Përmendja e Kosovës ndryshe prej vendeve të tjera të Ballkanit për rrugën e integrimit drejt Baskimit Evropian duhet të ndryshojë sepse Kosova do të aplikojë këtë vit për kandidaturën dhe për anëtarësim. Më pas do ta shohim se sa serioz do të jetë Bashkimi Evropian në adresimin e fakteve dhe sfidave që Kosova duhet t’i përmbushë që të bëhet anëtare”./teve1.info/
