Osmani ka thënë se janë në komunikim të vazhdueshëm me qytetarët atje, por ka thënë se duhet të ketë edhe vullnet të kryetarëve të komunave me shumicë serbe për takim.
“Jemi në komunikim edhe me qytetarët që janë në veri, natyrisht se shumë shpejt do të jem edhe atje për ti vizituar qytetarët”, ka thënë Osmani pas takimit me kryetarin e Mamushës, Abdulhadi Krasniq.
Osmani u ka bërë thirrje qytetarëve në veri të Mitrovicës që t’i zëvendësojnë tabelat e automjeteve të vendosura siç ka thënë ajo në kohën e Millosheviçit dhe ti zëvendësojnë ato me të Republikës së Kosovës.
Ajo ka thënë se institucionet e Kosovës kanë për qëllim të barabartë për të gjithë qytetarët.
“Qeveria e Kosovës ka për qëllim që të gjithë qytetarëve të ju ofrojë siguri dhe qasje të barabartë. E kanë një mundësi që pa shpenzime t’i ndërrojnë tabelat e vendosura në kohën e Millosheviqit dhe t’i zëvendësojnë me ato të Republikës së Kosovës. Për fat të keq ata çdo ditë kërcënohen nga strukturat kriminale, nga bandat kriminale. Policia jonë do të jetë atje për t’i mbrojtur, ata asnjëherë nuk janë atje për të kërcënuar. Jemi atje për t’i mbrojtur gjitha komunitetet”, tha Osmani./teve1.info/
