Sipas tij, kjo rezulton se Kurti nuk e ka mbajtur asnjë premtim të dhënë deri më tani, e që mbështetja ndaj kësaj qeverie, nuk ka kuptim më.
Ai ka kërkuar që protestat mos të përjashtohen si mundësi as nga partitë parlamnetare.
“Tashmë partitë parlamentare, kanë filluar t’i përjashtojnë si metodë reagimin qytetar, e unë do ju bëja ftesë të mos e përjashtojnë. Mirëpo, në qoftë se e bëjnë, duhet të jenë shumë më aktiv në parlament. Protesta është element demokracie. Në kohën e krizës inflacionare, protestat do jenë mënyrë shumë efektive dhe të pashmangshme. Prandaj, nuk ka asnjë dilemë që Kurti nuk e ka mbajtur asnjë premtim që ka dhënë deri më sot. Në qoftë se qytetarët nuk e ndjejnë qeverisjen e mirë, qoftë në kuletën e tyre, në arsimin e tyre, qoftë në shëndetësi, nuk ka kuptim më mbështetja ndaj Qeverisë Kurti. Pritshmëritë e larta është vështirë të mbahen”, tha Nushi në emisionin “Infonata” në Tëvë1.
Ndër të tjera, Nushi tha se njerëzit tashmë duhet të fillojnë të mendojnë se a ka shpresë edhe pas Vetëvendosjes, teksa shtoi se nuk do jetë fundi i politikës.
