Presidenti i Këshillit Evropian, Charles Michel ka kërkuar që Ukrainës dhe Moladivsë t’i jepet statusi kandidat për anëtarësim në BE.
Ai në letren dërguar pjesëmarrësve në mbledhjen e KE, që do të mbahet më 23 qershor, Michel ka thënë se është koha për të pranuar se e ardhmja e Ukrainës, Moldavisë dhe Gjeorgjisë qëndron brenda BE-së.
“Tani është koha për të pranuar se e ardhmja e Ukrainës, Moldavisë dhe Gjeorgjisë qëndron brenda BE-së. Unë do t’ju ftoj t’i jepni statusin kandidat Ukrainës dhe Moldavisë. Ne paralelisht, ne do të vazhdojmë t’i sigurojmë Ukrainës mjete të forta humanitare, ushtarake, mbështetje ekonomike dhe financiare”, thuhet në letër.
Michel ka folur edhe për Ballkanin Perëndimor, ku ka thënë se e ardhmja e tyre është në BE.
Ai ka thënë se me liderët e këtyre shteteve do të ketë takime para mbledhjes së Këshillit Evropian
“Ballkani Perëndimor është i rëndësishëm për BE-në dhe BE-ja është e rëndësishme për Ballkanin Perëndimor. Prandaj ne duhet të ri-energjizojmë procesin e zgjerimit dhe ta çojmë përpara integrimin e partnerëve tanë të Ballkanit Perëndimor. Ne do t’i takojmë ata përpara ceremonisë sonë Këshilli Evropian”, ka shkruar Michel, përcjell teve1.info.
