Kështu u shpreh ai përmes një postimi në Facebook, duke reaguar pas tensioneve në komunat veriore të vendit.
Përmes postimit, ai u shpreh se periudhës së shantazheve dhe kërcënimit i ka ardhur fundi.
“I vetmi zhvillim i Serbisë këto 23 vite është përditësimi i politikës së Millosheviqit me metodat ruse të luftës hibride! Deklaratat e Vuçiq dhe Bërnabiq, me tentim destabilizimin e veriut të Republikës së Kosovës janë plotësisht të papranueshme. Periudhës së shantazheve, kërcënimit, i ka ardhur fundi”, shkroi ai.
Tutje, Mehaj tha se në Kosovë nuk do të lejohet më veprimi i grupeve kriminale serbe që udhëhiqen nga Beogradi.
“Qeveria e Republikës së Kosovës, të gjitha autoritetet dhe institucionet e sigurisë, do të zbatojnë dhe marrim veprime në përputhje me ligjshmërinë, kushtetueshmërinë dhe obligimin që e kemi ndaj qytetarëve tanë pa dallim etnie. Në Republikën e Kosovës nuk do të lejohet më veprimi i grupeve kriminale serbe që udhëhiqen nga Beogradi, e asnjë formë e ilegalitetit që pengon integrimin e komunitetit serb në veri të vendit, dhe që ka për qëllim sabotimin e institucioneve”, thuhet në postim./teve1.info/