Lajmin e ka bërë të ditur kryetari i Komunës së Prishtinës, Përparim Rama i cili tregoi se vendimi është marrë në mbledhjen e jashtëzakonshme të Bordit.
Përmes një postimi në Facebook, Rama ka bërë të ditur se Bordi ka konstatuar keqpërdorimi i pozitës nga Restelica dhe mosinformimi i bordit kanë shkaktuar keqmenaxhim të përgjithshëm të ndërmarrjes.
“Në mbledhjen e jashtëzakonshme të mbajtur sot, Bordi i Drejtorëve të NPL “Prishtina Parking” ka konstatuar se veprimet e Kryeshefit Ekzekutiv, duke përfshirë këtu keqpërdorimin e pozitës, mosinformimin e bordit në lidhje me planet dhe projektet investuese të ndërmarrjes e deri tek mospërfillja e Bordit të Drejtorëve, kanë shkaktuar keqmenaxhim të përgjithshëm të ndërmarrjes dhe kanë cenuar imazhin e NPL ‘Prishtina Parking’. Vendimi për shkarkimin nga pozita e Kryeshefit Ekzekutiv, z. Liridon Restelica, hyn në fuqi sot, me datë 22.08.2022”, thuhet në njoftim./teve1.info/
