Kryeministri i Kosovës, Albin Kurti ka thënë se Kosova ka fitu në Ohër.
Ai këto komente i ka bërë gjatë diskutimit për këtë marrëveshje në Kuvendin e Kosovës.
Kuri tha se për këtë sukses e ka uruar edhe Këshilltari i Departamentit Amerikan të Shtetit, Derek Chollet, nga i cili tha se mori telefonatë sa ishte në Kuvend.
“Unë këtu nuk shfaqem si triumfues sepse jam në Kuvend, por shfaqem atje ku duhet (Ohër), atje kemi fituar, jo unë si kryeministër ka fituar Kosova”, tha Kurti pas replikës ndaj deputetit Enver
Hoxhaj i cili tha se Kurti dhe Qeveria e tij nuk po sillen si triumfues dhe janë të heshtur.
“Historikisht zotëri Kurti ka bërë përpjekje të bëjë politikë të madhe sa ka qenë në opozitë. Mirëpo të nderuar deputetë, marrëveshja në Ohër është humbja më e madhe që ka Kosova prej Ramubjes, deri në ditët e sotme. Nëse nuk i besoni kësaj sot, do t’i besoni vitin e ardhshëm”, tha Hoxhaj.
