Kryeministri i Kosovës, Albin Kurti i ka kërkuar Komisionerit Europian për Ekonominë, Paolo Xhentiloni, që plani për lidhjen e Prishtinës me Durrësin përmes hekurudhës të përfshihet në rrjetin trans –evropian.
Ai këtë kërkesë e ka bërë gjatë fjalimit të tij në panelin në kuadër të Forumit Ekonomik të Vjenës, me titull “Ndërtimi i Bashkëpunimin Ekonomik në Kohë të Vështira”, ku i pranishëm ishte edhe Xhentiloni.
“Ne kemi plane për të lidhur Prishtinë me Durrësin me hekurudhë, dhe shfrytëzojë praninë e Komisionerit Evropian, Xhentiloni, që ta përfshijë hekurudhën Prishtinë- Durrës në rrjetin trans-evropian, sepse një padrejtësi që i është bërë vendit tim mund të korrigjohet”, tha Kurti, përcjell teve1.info
Gjatë fjalimit të tij, kryeministri duke folur për progresin në Kosovë, tha se “Kosova nuk është vend i madh por shembull i mirë si liria bëhet zhvillim dhe anti- korrupsioni bëhet rritje”./teve1.info/
