Ai ka thënë fryrja e çmimeve është artificiale dhe se këto “çmime të fryra duhet të ç’fryhen”.
Kurti në një deklarim për medie pas vizitës së një fabrike të prodhimit të vajit në Gjilan,ka thënë se çmimet po rriten në mënyrë të koordinuar për të përfituar.
“Çmimi i vajit në të gjitha maketet prej 3,49 nuk është i rastësishëm, është një fryrje artificiale e cila është në dëm të konsumatorëve të Kosovës. Nuk ka nevojë për rritje të çmimeve. Aktualisht çmimi i vajit në Kosovë është më i larti në botë. Do të marrim masa, inspektorët janë duke bërë dokumentimin e të gjitha çmimeve”, tha Kurti, raporton teve1.info.
Kurti tha se kërkesa është artificialisht shumë më e lartë se konsumi.
Ai tha se në Kosovë kemi 300 mijë litra vaj të papërpunuar e cila kur përpunohet ka sasi të mjaftueshme për konsum normal të paktën edhe për një muaj.
Ngritja e çmimit të vajit e cila gjatë ditës shkoi deri në 3, 49 euro ka ngjallë reagime të mëdha tek qytetarë./Teve1.info/
