Ai ka thënë se dhuna nuk do të tolerohet. Kurti në konferencën e përbashkët për medie me ministrin e Mbrojtjes, Xhelal Sveçla ka thënë se vperimet e Qeverisë janë në të mirë të gjithë qytetarëve.
“Asnjë masë e marrë nga organet tona nuk merret në bazë të identifikimit etnik. Dhuna nuk do të tolerohet”, ka thënë Kurti, shkruan teve1.info.
Ai ka duke falënderuar qytetarët për maturi ka thënë se do të ofrojnë sundim të ligjit dhe paqës për të gjithë qytetarët.
Kurti duke falënderuar angazhimin e ambasadorit amerikan në Kosovë, ka thënë se kupton shqetësimin e ngritur edhe nga BE-ja i cili sipas tij ka ardhur nga propaganda serbe për vendimet e Qeverisë.
Ai ka thënë se presin që barrikadat të hiqen sot.
Kurti ka kërkuar nga bashkësia ndërkombëtare të dënojë veprimet e grupeve kriminale në veri.
Do të kujdesemi që të sigurojë ligji e paqja për të gjithë qytetarët pa dallim.
“Bashkësia ndërkombëtare duhet të dënoj dhunën dhe agresionin e bandave të nxitura nga Serbia”, tha Kurti.
Kurti ka thënë se strukturat ilegale të Serbisë janë bërë agresive dhe për Kosovën nuk është e lehtë, pasi siç ka thënë ai ato po mbështeten nga aparati shtetëror i Serbisë.
“Strukturat ilegale të Serbisë janë bërë agresive si rrallë më parë. Nuk është e lehtë për shtetin tonë pasi ato i mbështet i tërë aparati shtetëror i fqinjit tonë verior. Fatmirësisht nuk ka të plagosur me armë zjarri siç u lajmërua rrejshëm”, ka shtuar Kurti, duke kërkuar nga qytetarët që të bazohen në informata zyrtare. /teve1.info/
