Në emisionin “Ditari” në Tëvë 1, Nika thotë se do të presin deri më 15 prill nëse Qeveria do të ndërmarrë ndonjë hap për gjendjen e punëtorëve të Feronikelit.
“Ne si sindikatë i kemi organizuar tri protesta para Qeverisë edhe aty me qëllimin ma të mirë se nuk kemi pasur kërkesë të dhunshme por paqësore një thirrje e Qeverisë që të reflektojë por edhe interesohet për punëtorët e Feronikelit në cfrarë gjendje janë, nëse nuk gjindet zgjedhja dhe nuk reflekton një mënyrë ose Menaxhmenti ose Qeveria i kemi ato metodat sindikale që do t’i përdorim të gjitha. P.sh protesta më radikale greva të ndryshme që mund të hyjmë edhe të bëjmë greva sa i përket çështjeve nëse punëtorët mbesin pa paga do t’i orientojmë orientimet tona tjetër kah. Na sa i përket çështjes së afateve nuk na jep kërkush afat, sigurisht ne presim deri më 15 prill nëse nuk lëviz asgjë që do të reflektojë në mënyrë pozitive, do të ndërmarrim hapat tonë”, tha Nika.
Tutje, ai tregon se që nga 8 tetori i vitit të kaluar, punëtorët janë duke u paguar me vetëm gjysmë page.
“Prej 8 tetorit Feronikeli ka ndërprerë prodhimin nuk ka të hyra punëtorët janë në pritje të startimit të prodhimit kështu që punëtorët 2 muajt e parë prej 8 tetorit deri më 1 dhjetor janë paguar nga 50 për qind dhe nuk janë prezantu në punë kurse prej 1 dhjetorit kanë prezentu në punë 50 për qind të kohës. Dmth prej 1 dhjetorit punëtorët kanë ardhur në punë një pjesë e punëtorëve prej 1 deri më 15 pjesa tjetër prej 15 deri më 30, kështu që kanë çuar një gjysmë norme. Prej 1 prillit punojnë vetëm një pjesë e punëtorëve të mirëmbajtjes që janë duke u riparuar disa pajisje në Feronikel sa i përket çështjes së prodhimit punëtorët që janë të kyçur drejtpërdrejt nuk janë duke ardhur në punë sa i përket statusit të tyre nuk jemi të informuar as ne as punëtorët se çka do të ndodhë me statusin se a do të paguhen 50 për qind apo nuk paguhen fare”, shtoi ai.
Ndërkaq, Nika shprehet optimist se do të startojë puna në Feronikel, pasi që edhe konsumi i energjisë elektrike ka rënë – në të kundërtën thotë se të gjithë do të mbesin pa punë.
“Kur kemi pasur kontakte, Menaxhmenti ka siguruar që nuk do të largojë asnjë punëtorë prej punës por vështirësitë ekonomike për shkak të krizës energjetike kështu që 190 punëtorë i ka paralajmëru që nuk do të ju vazhdohet kontrata por më 1 prill disa punëtorë i ka ftu që janë në nevojë për të punu disa punë që janë me rëndësi atje, ka punëtorë që janë ftuar të kthehen në punë. Ne shpresojmë që nëse arrijmë që të lëshohet prodhimi besojmë që të gjithë punëtorët do të kthehen në punë. Nëse nuk startohet me prodhim rreziku është që të mbesim të gjithë pa punë por po shpresojmë që do të gjindet një zgjidhje dhe do të startojmë po besojmë që ka rënë edhe konsumi i energjisë dhe mos të gjindet një zgjidhje”, theksoi Nika./teve1.info/.
