Kameramani nga Kosova, Sylejman Kllokoqi, cili gjendet në Turqi, ka treguar për gjendjen në qytetin Gaziantep që është një nga qytetet më të goditura nga tërmeti i së hënës.
Ai ka thënë se në këtë qytet situata është e vështirë dhe se nuk mund të vërhen as drita gjatë natës.
Kllokoqi në një lidhje direkte nga Turqia në edicionin e lajmeve në Tëvë1, ka thënë se banorët po qëndrojnë 24 orë të ulur afër rrënojave më shpresë se po marrin ndonjë lajm të mirë për të afërmit e tyre.
“Familjarët janë 24 orë afër ndërtesës dhe të gjithë presin ndonjë lajmë të mirë. Është një tmerr kur e sheh popullin duke pritur 24 orë në karriga, jashtë sidomos në mbrëmje kur është ftohtë, por ata nuk largohen nga shpresa mos rastësisht po vjen një trup i gjallë”, ka thënë kameramani i Associated Press.
Ai ka thënë se as dyqanet nuk punojnë dhe është vështirë të gjenden edhe hotele, pasi sipas tij janë të mbushura me banorë të qytetit.
Numri i të vdekurve nga tërmeti në Turqi dhe Siri ka arritur në 33 mijë.
