Kolektivi për Mendim dhe Veprim Feminist ka organizuar protestë pas përdhunimit të 11-vjeçares nga pesë persona.
Protestuesit kërkuan drejtësi për viktimën dhe dënimin e merituar për dhunuesit, shkruan teve1.info.
Protesta ka nisur në sheshin “Zahir Pajaziti” në Prishtinë dhe më pas ka vazhduar drejt disa institucioneve shtetërore e deri tek Qeveria.
Në këtë protestë është bërë thirrje për krijimi e mekanizmave efektiv për trajtimin me dinjitet për të mbijetuarat e dhunës seksuale, trajtimi i drejtë i rasteve të dhunës ndaj grave dhe dënime meritore për abuzuesit si dhe legalizimin dhe përdorimin e gazit lotsjellës për vetëmbrojtje.
Me pankarta në duar dhe mbishkrime si; “Mbrojtje për vajzat dhe gratë”, “Ruje çikën, edukoje djalin”, “Nuk ka dështu nana, ka dështu shteti”. “Edhe Sa ”, ”Dhuna nuk ka arsyetim”, ”Shteti fajtor” e të tjera, ka vazhduar protesta kundër dhunimit të vajzës 11 vjeçare./Teve1.info/
