“Me qëllim të koordinimit të ngushtë me KFOR-in, pas agresionit ushtarak të Rusisë mbi Ukrainën, në Shtabin e Përgjithshëm të KFOR-it, jam takuar me komandantin e KFOR-it, gjeneralmajor, Ferenc Kajar. Me këtë rast, kërkova prezencë më të madhe të trupave të KFOR-it në pjesën veriore të Kosovës dhe përforcim më të madh të kontingjentit të saj”, ka shkruar Mehaj në Facebook.
Gjenerali Kajar u pajtua me kërkesën e Mehaj të rritet koordinimi në mes institucioneve të sigurisë së vendit dhe KFOR-it, duke u shtuar kapaciteti dhe vigjilenca në gjithë kufirin e vendit.
“Tendencat destabilizuese të Rusisë dhe satelitëve të saj ndaj vendit tonë dhe rajonit të Ballkanit Perëndimorë tashmë janë të qarta dhe atyre do t’i kundërvihemi së bashku me aleatët tanë”, ka shtuar ai.
