Përmes njoftimit, KEK-u bëri të ditur se kanë importuar sasinë e energjisë elektrike nga Shqipëria të cilën kjo e fundit do të duhet t’ia kthente Kosovës gjatë dimrit.
“Përkundër faktit se përgjegjësia për furnizimin e konsumatorëve universal (FSHU) sipas licencës është ekskluzivisht e furnizuesit publikë, KEK falë edhe bashkëpunimit të ndërsjellë me KESH-in, nga sasia e depozituar (mbi 120.000 MW/h) e cila ishte paraparë t’i kthehet Kosovës gjatë sezonit dimërorë ka arritur të sigurojë energji elektrike për orë të caktuara (në kohë të pikut) kur konsumi vendor në Kosovë po shënon ngritje. Më saktësisht, KEK ditën e djeshme dt: 15.08.2022 nga KESH-i ka siguruar sasinë prej 100 MW/h duke filluar nga ora 14:00 deri në orën 24:00, (në total 1100 MW/h), ndërsa për sot dt: 16.08.2022, KEK po ashtu ka siguruar sasinë prej 100 MW/h nga ora 10:00 deri në orën 22:00. (në total 1200 MW/h)”, thuhet ndër tjerash në njoftim.
Tutje, KEK-u njoftoi se ka bërë kërkesë te KESH-i që bazuar në kapacitetet që kanë në dispozicion kjo gjendje të vazhdojë edhe ditëve në vijim apo derisa akterët përgjegjës t’i përmbushin obligimet e tyre sipas licencës./teve1.info/
