I ftuar në emisionin “Ditari” në Tëvë 1, Jashari thotë se në praktikë ka shumë raste kur zyrtarët policorë përpos që nuk respektojnë kodin etik, ata tejkalojnë detyrat e tyre zyrtare.
“Në praktiktë ndodh që Policia përpos që nuk e respekton kodin ektik, përpos që nuk respekton standardet minimale profesionale tejkalon apo shkon duke kryer vepër penale që në këtë rast mund të jetë keqtrajtim gjatë ushtrimit të detyrës zyrtare ose tjetër”, tha ai.
Tutje, ai tregoi se kryerja e një vepre penale të tillë mund të dënohet deri në tre vjet burgim.
“Kryesisht keqtrajtimi gjatë ushtrimit të detyrës manifestohet me dhunë, kanosje dhe mund të dënohet nëse vërtetohet në Gjykatë deri në 3 vjet. Po shohim shpesh ku policët janë subjekt i hetimeve nga IPK ose nga Prokuroria dhe pikërisht për tejkalim të detyrave ose të kompetencave gjë që nuk ish dashtë me ndodh mirëpo sikur edhe në botë, raste tjera edhe në shoqërinë tonë këto ndodhin”, shtoi ai./teve1.info/
