Ai në një konferencë për media theksoi se kjo grevë do të vazhdoj deri kur të realizohen kërkesat e tyre.
“Greva filloi me 25 dhe vazhdon dhe kjo do të thotë se edhe nesër me 1 shtator punëtorët e arsimit do të jenë në grevë, e kjo grevë do të vazhdoj gjersa Qeveria nuk fillon bisedën me ne dhe nuk fillon realizimin e kërkesave tona”, tha ai.
Jasharaj ka kërkuar mirëkuptim nga prindërit dhe nxënësit e Kosovës, teksa ka thënë se ky nuk ishte vullneti i tyre por nuk kishin zgjidhje tjetër, raporton teve1.info
“Duhet ti drejtohem prindërve të Kosovës për mirëkuptim, duhet të iu drejtohen nxënësve të Kosovës për mirëkuptim nuk ishte vullneti ynë por nuk kishim asnjë zgjidhje tjetër dhe prandaj për hirë të sigurisë së nxënësve i lus prindërit e Kosovës që angazhimet e tyre ti orientojnë nga Qeveria që të kemi dialog dhe zgjedhje të këkresave tona”, u shpreh ai.
“Greva do të zgjasë më pak nëse Qeveria ulet dhe fillon së realizuari kërkesat tona”, shtoi ai.
Tutje Jasharaj tha se deklaratat për ti frikësuar mësimdhënësit nuk japin asnjë rezultat por sipas tij ndikojnë në përkeqësimin e situatës.
“Deklaratat dhe tendencat për ti frikësuar mësimdhënësit dhe punëtorët e tjerë të sektorit publik nuk e qetësojnë situatën, nuk japin asnjë rezultat por ndikojnë në përkeqësimin e situatës”, tha Jasharaj.
Kreu i SBASHK-ut përmendi edhe Ministrin e Financave, Hekuran Murati dhe Ministren e Arsimit, Arbërie Nagavci duke thënë se ata duhet të dërgojnë mesazhe paqeje e të angazhohen që të ketë dialog.
“Edhe ministri Murati edhe zonja Nagavci është dashur të dërgojnë mesazhe paqeje që thuhet, të japin ndonjë fjalë të mirë të angazhohen që të kemi dialog, sepse me dialog zgjedhim çështjet dhe ne kemi pritur këtë dialog me muaj të tërë”, tha ai.
Jasharaj theksoi se nëse dikush tenton të ushtroj presion ndaj grevistëve ata do ta lajmërojnë rastin në Polici.
“Në qoftëse do të kemi informacione nga shkollat e institucionet tjera se dikush do të tentoj të ushtroj presion ndaj grevistëve, fillimisht do ta informojmë Policinë e Kosovës që ajo të intervenojë sepse grevistët janë në vendet e tyre të punës, në shtëpitë e tyre, dhe me ligjë janë të mbrojtur“, tha Jasharaj./teve1.info
https://teve1.info/lajmet/nagavci-iu-kemi-pergjigjur-cdo-kerkese-te-sbashk-ut-punetoret-e-arsimit-ti-marrin-vendimet-pa-presion/
