Beau Biden, pas përfundimit të luftës në vitin 2001 ka shërbyer në Kosovë për trajnimin e gjykatësve dhe prokurorëve të Kosovës.
Haradinaj përmes një postimi në Facebook ka thënë se Beau Biden ka shërbyer në mbrojtje të lirisë dhe demokracisë në Kosovë.
“Duke nderuar sot shërbimin e tij në ofrimin e paqes dhe lirisë për vendin tonë, Beau do të jetë gjithmonë pjesë e kujtesës historike të Republikës së Kosovës. Jemi përgjithmonë mirënjohës ndaj secilit amerikan që ka shërbyer në Kosovë, falënderues Shteteve të Bashkuara të Amerikës dhe lidershipit të Presidentit Biden drejtë paqes dhe prosperitetit në Ballkan”, ka shkruar kreu i AAK-së.
Beau Baiden, djali i i ndjerë i nënpresidentit Joe Biden,në vitin 2001 kishte shërbyer në Kosovën e pasluftës, si këshilltar i brendshëm ligjor. Gjatë viteve të fundit të jetës së tij, Beau Baiden ka vuajtur nga sëmundja e kancerit të trurit. Ai ndërroi jetë me 30 maj të vitit 2015, në moshën 46 vjeçare./Teve1.info/
