Sipas njoftimit, i dyshuari me vullnet e vetëdije të plotë më 27 nëntor 2015 është nisur nga Aeroporti Ndërkomëtar “Adem Jashari” në Prishtinë dhe ilegalisht ka hyrë në Siri, raporton teve1.info
“Gjykata Themelore në Prishtinë, Departamenti Special, ka vendosur lidhur me kërkesën e Prokurorisë Speciale të Republikës së Kosovës, për caktimin e masës së paraburgimit kundër të pandehurit H.S i dyshuar për shkak të veprës penale Bashkimi apo pjesëmarrja në ushtrinë apo policinë e huaj, në formacionet e jashtme paraushtarake ose parapolicore në organizimet grupore apo individualisht jashtë territorit të të Republikës së Kosovës nga neni 3 paragrafi 3 të Ligjit nr.05/L-002, për ndalimin e bashkimit në konflikte të armatosura jashtë territorit të vendit”, thuhet në njoftim.
Të dyshuarit, paraburgimi i është caktuar në bazë të neneve
“Gjyqtari i procedurës paraprake, kërkesën e Prokurorisë Speciale të Republikës së Kosovës për caktimin e masës së paraburgimit kundër të pandehurit H.S. e ka aprovuar si të bazuar dhe të njëjtit i ka caktuar masën e paraburgimit në kohëzgjatje prej një (1) muaji. Të pandehurit H.S. paraburgimi i është caktuar në bazë të nenit 187 paragrafi 1 nënparagrafi 1.1, paragrafi 1, nënparagrafi 1.2 pika 1.2.1, dhe paragrafi 1 nënparagrafi 2.2, pika 1.2.3 të KPPRK-së”, thuhet në njoftim.
