Mëngjesi i së premtes, e gjeti në gjykatore.
Ministri i Punëve të Brendshme, Xhelal Sveçla, u paraqit para gjykatës nën mbrojtje të afërt.
Për tu ballafaquar me akuzat për gaz lotsjellës, bashkë me Sveçlën ishin edhe dy deputetë të tjerë të Lëvizjes Vetvendosje, Salih Zyba dhe Fitore Pacolli Dalipi.
E mungesë shënoi deputetja tjetër e partisë në pushtet, Drita Millaku.
Kjo bëri që prokuroria të kërkojë veçimin e procedurës për Millakun.
Një gjë e tillë u kundërshtua nga mbrojtjet e të gjithë të akuzuarve.
Megjithatë, gjykata vendosi që çështja e deputetes Millaku të veçohet.
Ndërkohë, mbrojtja adresoi probleme me disa CD të dorëzuara nga prokuroria si prova.
Kjo sipas prokurorisë mund të jetë si pasojë e ndonjë gabimi teknik, por që palët do të pajisen sa më shpejt me të gjitha CD e përdorura si provë.
Kështu, seanca u shtye për një datë tjetër.
Sveçla dhe tre deputetët e LVV-së, akuzohen se më 21 mars të 2018, kanë hedhur disa bombola të gazit lotsjellës brenda sallës së Kuvendit ku po mbahej seancë plenare.
