Gazetarët nuk do të lejohen më të hyjnë në qytetin e Irpin, afër Kievit, tha kryetari i bashkisë së qytetit Oleksandr Markushyn në Telegram, pas vdekjes së gazetarit amerikan Brent Renaud në qytet sot.
“Duke filluar nga sot, ne po e ndalojmë hyrjen e gazetarëve në Irpin. Ne duam të shpëtojmë jetën e tyre dhe të mbrojtësve tanë”, tha ai.
Ai gjithashtu u bëri thirrje gazetarëve dhe civilëve ukrainas që të mos postojnë informacione në internet për personelin ushtarak, pajisjet e tyre ose ndonjë gjë që mund të tregojë vendndodhjen e tyre.
Gazetari Brent Renaud, është vrarë në këtë sulm,po ashtu një gazetar tjetër është dërguar në spital për trajtim.
Renaud është thënë se ka qenë i angazhuar për New York Timesin në Ukrainë, mirëpo nga New York Times kanë demantuar këtë dhe kanë thënë se ai ka qenë me gazetën i angazhuar disa vite më parë por jo në këtë kohë. Teve1.info
