Banorët në fshatrat përreth janë detyruar që të lënë shtëpitë e tyre, në mënyrë që të mos rrezikohen nga ky zjarr, kështu thuhet në komunikatë e policisë shkruan teve1.info.
Ndërkohë bëhet e ditur se për ta shuar zjarrin kanë intervenuar edhe njësitet e KFOR-it dhe FSK-së.
“Meqenëse në fshatin Cernushë zjarri ishte i përmasave shumë të mëdha dhe kishte përfshirë sipërfaqe të mëdha të pyjeve e po ashtu i ishte afruar shtëpive të banuara, janë evakuuar disa familje për sigurinë e tyre. Për ta lokalizuar zjarrin, janë ftuar në asistim edhe njësi të FSK-së dhe KFOR-it të cilët kanë ofruar asistimin e tyre si me personel po ashtu edhe me pajisje. KFOR-i ka ofruar asistimin me helikopter për shuarjen e zjarreve”, thuhet në njoftimin e policisë.
Po ashtu policia njofton se falë këtij intervenimi nuk ka zjarre aktive në asnjë zonë të Mitrovicës dhe bëhet e ditur se hetimet lidhur me rastin janë duke vazhduar.
“Falë përkrahjes së ofruar nga KFOR-i dhe FSK-së, nuk kemi zjarre aktive në asnjë zonë të Mitrovicës dhe gjatë tërë natës pjesëtarë të FSK-së kanë qëndruar afër vatrave të zjarrit derisa ato janë shuar plotësisht. Në lidhje me rastin, Njësia e hetimeve të Stacionit Policor Jugu në Mitrovicë dhe forensika kanë mbledhur dëshmi nga vendi i ngjarjes dhe pas konsultimit me prokurorin është iniciuar rasti ,,Shkaktim i rrezikut të përgjithshëm” dhe do të vazhdojnë hetimet në lidhje me këtë rast”, thuhet më tej në komunikatë.
Policia në Mitrovicë ka apeluar te qytetarët që të kenëkujdesë në këto ditë me temperatura të larta të kenë kujdes pasi që sipas tyre çdo pakujdesi e vogël mund të shkaktoj zjarre me pasoja të paparashikueshme./Teve1.info/