Sipas njoftimit të Komunës së Malishevës, zjarri ka përfshirë fshatrat Gurbardh, Turjakë, Guriq, Pagarushë.
Për këtë, kryetari i Malishevës, Ekrem Kastrati, u ka bërë thirrje qytetarëve që të kenë kujdes ndaj këtyre zjarreve.
“Ekipet e zjarrfikësve dhe të shpëtimit, gjatë tërë ditës janë angazhuar në shuarjen e zjarrit në malet në mes të fshatrave Gurbardh dhe Turjakë, pasi zjarri, i ndihmuar edhe nga erërat, ka bërë që të digjen me dhjetëra hektarë me pyje. Po ashtu zjarre janë regjistruar edhe në malet në mes të fshatrave Guriq dhe Pagarushë, pastaj në Panorc, si dhe një shtëpi e pabanuar në fshatin Shkozë. Po ashtu në vendngjarje kanë qenë edhe ekipet e drejtorisë për mbrojtje dhe shpëtim, ndërsa zjarrfikësit janë ndihmuar edhe nga banorët. Kryetari i Komunës së Malishevës, Ekrem Kastrati, ju ka bërë thirrje të gjithë qytetarëve, që të bëjnë kujdes dhe të tregojnë vigjilencë të shtuar, në mënyrë që të mos shkaktohen zjarre të tilla”, thuhet ndër tjerash në njoftim./teve1.info/.
