Përmes një postimi në Facebook, Deliu e ka quajtur këtë heshtje të Osmanit si “mungesë guximi”, përcjell teve1.info
“Po ashtu, e pakuptueshme dhe e pashpjegueshme mbetet heshtja e Presidentes. Mungesa e guximit minimal për t’u deklaruar për çështjet që kërkojnë përfshirjen e saj si përfaqësuese e unitetit të popullit, e mbi të gjitha si një grua – kur bëhet fjalë, si në rastin konkret- lidhur me Projekt-Kodin Civil, i cili rregullon çështjet familjare, trashëgimore e veçanërisht, rolin e gruas në këto marrëdhënie”, ka shkruar Deliu.
Sipas Deliut, presidentja Osmani po e ridëshmon për të disatën herë se ka mungesë të theksuar të lidershipit dhe sipas saj, e njëjta, është e gatshme t’i qëndroj besnike e t’i nënshtrohet kryeministrit Albin Kurti.
Ajo shtoi se kjo cilësohet si abuzim me pozitën dhe ushtrimin e detyrës.
“Presidentja po e ridëshmon për të satën herë radhazi se ka deficit të theksuar të lidershipit dhe është e gatshme ti qëndroj besnike e madje ti nënshtohet kryeministrit, pa tentuar asnjëherë të kundërbalancoj politikat e qeverisë, veçmas kur ato nuk përfillin koncensusin dhe kompromisin e nevojshëm politik. Pozita që mban nuk e toleron kalkulimin personal mbi interesin e përgjithshëm. Përndryshe, kjo cilësohet abuzim me pozitën dhe ushtrimin e detyrës!”, është shprehur deputetja Deliu. /Teve1.info/
