Sipas njoftimit, KOSTT-i ka kërkuar nga KEDS që si pasojë e kësaj të bëjë kufizime emergjente të energjisë elektrike.
“KOSTT-i ka kërkuar sot nga KEDS që si pasojë e rënies nga sistemi të njësisë A3, të bëjë kufizime emergjente të energjisë elektrike. Kjo bën që në vend aktualisht të prodhohen më pak se 400 megavatë, që e bën situatën aspak të favorshme. Në ballafaqim me kufizime emergjente, do të jetë shumë e vështirë të njoftohen të gjithë konsumatorët në kohë, për çka kërkojmë mirëkuptimin e tyre”, thuhet ndër tjerash në njoftim.
Tutje, KEDS shton se aktualisht kufizimet janë dy orëshe teksa kërkon nga qytetarët kursim maksimal të energjisë në mënyrë që të mos ketë përkeqësim më të madh të situatës.
“Aktualisht kufizimet janë dy orëshe, por që të mos përkeqësohet tutje situata, kërkojmë nga të gjithë konsumatorët kursim maksimal të energjisë elektrike. Përdorimi i saj në mënyrë efiçiente bën që të gjithë të kemi energji elektrike më tepër. Në këto rrethana të vështira, duhet të veprojmë të bashkuar në mënyrë që ti kapërcejmë ato sa më lehtë. Së bashku mund t’ia dalim!”, njofton tutje KEDS-i./teve1.info/