E pjesa më e madhe e këtij investimi do të shkojë për blerjen dhe instalimin e baterive me kapacitet 170 megavatë, për ruajtjen e energjisë.
Këtë investim po e mirëpresin njohës të energjetikës.
“Do ta bëjnë atë balancin në një mënyrë apo tjetër kur ka ndërprerje, përveç kësaj ato shihen si një mundësi shumë e mirë si në rujtjen, janë të rëndsishme edhe për mbajtjen e rezervës të themi ashtu, kur ka po themi rënie prapë të sistemeve termike që i kemi ne në Kosovë”, tha për Vezir Rexhepi, profesor i elektroenergjetikës.
Njohësi i kësaj fushe, Lulzim Syla për tëvë 1 thotë se veç kësaj bateritë do ta luajnë rolin e rregullimit të frekuencës së energjisë dhe do të ruajnë energjinë gjatë natës për ta përdorur atë gjatë ditës kur nevojitet më së shumti.
“Këto realisht parashihen të vendosen vetëm në një lokacion të caktum që ende nuk është vendos se ku dhe parashihet që të furnizojë jo në nivel të caktum apo pika të caktuara, por do të jenë për stabilitet të përgjithshëm për rrjetin energjetik aty ku ka nevojë psh mund të jenë spitalet apo ushtria”m tha ai.
Përveç baterive, granti i MCC-së do të shkojë edhe për zhvillimin e fuqisë punëtore energjetike për të ardhmen, me theks te gratë dhe fuqizimin e sektorit privat.
Kronika e realizuar nga Gojart Jashari.
