Në një lidhje direkte në emisionin “Info Nata” në Tëvë 1, ai tregoi se gjendja e të gjithë pacientëve është e njëjtë, duke theksuar se vetëm dy janë dërguar për trajtim jashtë kësaj komune.
“Në fakt të gjithë pacientët janë në gjendje të njëjtë, simptoma të njëjta ka qenë vetëm një i dërguar në QKUK dhe një në Ferizaj por ka qenë siptoma të njëjta por vetëm me dyshime se mund të jenë në gjendje më të rëndë pas shërbimeve janë dërguar në shtëpi përndryshe kam pasur edhe biseda me qytetarë që kanë qenë të prekur nga ky helmim dhe janë në gjendje stabile nuk ka ndonjë problem”, tha ai.
Tutje, Ballazhi theksoi se gjatë kësaj kohe janë përballur me mungesë të medikamenteve për çka shton se nuk janë furnizuar mjaftueshëm dhe presin që kjo të ndodhë gjatë ditëve në vazhdim.
“Ditën e parë kemi pasur mungesë të barnave ose medikamenteve më pas kemi rënë në kontakt kemi kërkuar nga Ministria dhe na kanë furnizuar me një pjesë të tyre medikamenteve sidomos me infuzione por kemi nevojë edhe për tjerat që besoj ditët në vijim do të na furnizojë me të tjera”, tha ai.
Kurse, sa i përket dyshimeve për helmim të qytetarëve nga uji i pijshëm, ai theksoi se ende nuk i kanë marrë rezultatet e mostrave dhe se janë në pritje të tyre.
“Për çështjen e helmimit të ujit më shumë mund njëfarë forme të paragjykojmë për arsye se ende nuk e dijmë se nga rrjedh ky infeksion nga uji apo diçka tjetër dhe mund të presim vetëm mostrat e marra nga IKSHPK dhe të shohim si do të dalin rezultatet për të dhënë një vendim pak më të saktë se nga vjen ky infeksion”, shtoi ai./teve1.info/
