Përmes vendimit të publikuar të hënën, AIP thotë se AZHB kishte në faqen e saj për një kohë listat me të dhëna personale të subjekteve të fermerëve, përfshirë emrin, mbiemrin, numrin personal dhe shumën e përfituar.
“Shqiptohet gjobë ndaj Agjencisë për Zhvillim të Bujqësisë, me adresë në Rr. Ukshin Hoti Kompleksi ‘Ramiz Sadiku’ 10000 Prishtinë, në vlerë prej €30.000 (tridhjetë mijë euro), për përpunimin e kundërligjshëm të të dhënave personale. Obligohet Agjencia për Zhvillimin e Bujqësisë, që shumën prej €30.000 (tridhjetë mijë euro) të paguajë, në afat prej 15 ditësh, në xhirollogarinë e Agjencisë për Informim dhe Privatësi Nr. 100040007000****/ Banka Qendrore e Republikës së Kosovës”, thuhet ndër tjerash në vendim, raporton teve1.info.
Sipas vendimit, Kryeshefi Ekzekutiv i Agjencisë për Zhvillimin e Bujqësisë që të largojë listën me të dhënat personale të personave fizikë, të cilat janë të publikuara në ueb-faqe./teve1.info/
