Policia e Kosovës ka arrestuar një zyrtar të Administratës së Kosovës, pasi në veturën e tij janë gjetur barna me banderola të Serbisë, për të cilat nuk posedonte dokumentacion.
Arrestimi i zyrtarit L.P është bërë në magjistralen Mitrovicë-Leposaviq.
“Patrulla policore në magjistralen Mitrovicë-Leposaviq, tek ura e Bistricës në një pikë kontroll ka ndalur veturën me targa zyrtare, pronë e Administrata Tatimore të Kosovës të cilën e drejtonte personi L.P. zyrtar i Administratës Tatimore të Kosovës (ATK-së) dhe së bashku me të ishte edhe një pasagjeri T.J. po ashtu zyrtar i ATK-së. Gjatë kontrolli të veturës në fjalë në bagazhin e veturës janë gjetur një sasi e barnave të ndryshme me banderola të Serbisë, për të cilat nuk posedonin dokumentacione”, thuhet në komunikatë.
Me vendim të Prokurorit ai është ndaluar për 48-orë./teve1.info/
