Përmes njoftimit, Policia e Kosovës bëri të ditur se fillimisht nga hetuesit policorë është përcjellë automjeti i dyshuar derisa ka arritur në një autoservis në Çagllavicë.
Sipas PK-së, ka qenë reagimi i shpejt i hetuesve që ka mundësuar arrestimin e të dyshuarit dhe konfiskimit të automjetit “Opel Corsa”.
“Fillimisht nga hetuesit është përcjellje automjeti i dyshuar, derisa ka arrite në një autoservis në Çagllavicë. Ka qenë reagimi i shpejtë i hetuesve ai që ka mundësuar arrestimin e personit të dyshuar si dhe konfiskimin e automjetit të tipit Opel Corsa i cili ishte i dëmtuar. Pas përfundimit të procedurave të nevojshme policore, rasti do të përcillet në koordinim me prokurorin e shtetit”, thuhet ndër tjerash në njoftim.
Po ashtu, Policia ka publikuar edhe fotografi të veturës me të cilën dyshohet se është goditur 20-vjeçarja.
Ndryshe, gjendja e të aksidentuarës ende mbetet e rënduar pasi kishte marrë lëndime serioze./teve1.info/
