Tre personat që kanë sulmuar gazetarin Valon Syla janë arrestuar të mërkurën në mbrëmje.
Këtë e ka bërë të ditur ministri i Punëve të Brendshme, Xhelal Sveçla.
“Pas një pune intensive të Policisë së Kosovës, tashmë janë arrestuar tre sulmuesit e gazetarit Valon Syla. Përgëzoj Policinë e Kosovës për përkushtimin dhe profesionalizmin që garanton siguri për të gjithë si dhe sundim të rendit dhe ligjit”, ka shkruar ai në Facebook.
Ministri gjatë ditës së mërkurë bëri të ditur se janë identfikuar personat që kanë sulmuar Sylën.
Ndërsa, vet gazetari Syla i cili u sulmua fizikisht të martën në mbrëmje ka thënë se sulmi ndaj tij ka ndodhur për shkak të disa deklarimeve rreth Bashkësisë Islame dhe rastin e një imami nga Prizreni.
