Sipas komunikatës së policisë më 28 mars janë identifikuar 4 lokacione ku edhe janë gjetur e sekuestruar aparate të lojërave të fatit.
“Në tri lokale të kontrolluara, hetuesit kanë arritur të gjejnë: (6) aparate të lojërave të fatit, (3) printerë, (45) tiketa të lojërave të fatit, (1) shtëpizë kompjuteri, (1) pllakë elektrike, letër për tiketa dhe një sasi të parave (106 euro). Si i dyshuar për këtë veprimtari është arrestuar pronari i tri lokaleve A.Rr., 33 vjeçar, shtetas i Republikës së Kosovës. Në lokalin e katërt janë gjetur: (1) shtëpizë kompjuteri, (1) printer dhe (40) tiketa. Gjithashtu është arrestuar pronari A.B., 35 vjeçar. Gjësendet e gjetura në të gjitha lokalet janë konfiskuar nga ana e hetuesve dhe do të procedohen në cilësinë e provave material”, thuhet në njoftim.
Pas procedurës së intervsitimit, të dyshuarit me urdhër të prokurorit lirohen në procedurë të rregullt ndërsa ndaj tyre janë iniciuar rastet për dyshimin e kryerjes së veprës penale “Organizim i skemave piramidale dhe bixhozit të paligjshëm”./Teve1.info/
