Ai thotë se Serbisë nuk i kanë mjaftuar “as bombardimet gjatë luftës së fundit” për të ndryshuar qasjen e politikës së saj.
“Pikërisht është debat që nga paslufta Serbia është e njëjtë nëse fillojmë nga 99-ta por edhe më herët janë ndryshuar akterët politikë por mentaliteti i politikës serbe i intelektualëve popullatës politikës kishtare nuk ka ndryshuar asnjë milimetër dhe të gjitha këto fillojnë për shkak se bashkësia perëndimore nuk e kanë dënuar sa duhet si duhet në kuptimin se vetëm bombardimet nuk kanë mjaftuar sepse krimet e Serbisë jo vetëm në Kosovë por i kanë tejkaluar përmasat e luftës së Dytë Botërore pra perëndimi është treguar shumë i butë po flasim për pasojat e politikës së butë sidomos të BE-së karshi Sebrisë”, tha ai.
Ndërkaq, sa i përket marrëveshjes për targat, Arifi në “Këndin e Debatit” në Tëvë 1, deklaron se Qeveria ka bërë një hap të mirë por “po i mungon guximi përfundimtar”.
“Qeveria e Kosovës e ka bërë një hap të mirë por po i mungon guximi përfundimtar nga këndvështrimi im është dashur ta jep një limit kohor tabelat nuk duhet të shtyhen në asnjë ditë marrëveshja duhet mbyllur sot ose s’ka marrëveshje. Na po e bëjmë lojën deri dikun mirë por po dorëzohemi në fund sepse Serbisë nuk i konvenon dhe në rrafshin e dytë kemi ku prononcohet Vuçiq që sanksionet nuk do të ketë ata që analizojnë psikologjinë e një shteti e kuptojnë që në Serbi nuk ka ndryshu asgjë”, shton ai.
Po ashtu, duke folur për dialogun Arifi thotë se nganjëherë më shumë i bëhet presion Kosovës sesa Serbisë – kjo për shkak të fuqisë së madhe ushtarake që kjo e fundit e ka./teve1.info/
